Almennt um ástandsskoðun húsnæðis

• Tilgangur með ástandsskoðun/söluskoðun, er að minnka áhættu á málaferlum og að aðilar sem koma að fasteignaviðskiptum verði ekki fyrir tjóni.
• Markmiðið með ástandsskoðun er að draga fram galla/skemmdir sem aðilum gæti hafa yfirsést.
• Fasteign er sjónskoðuð að innan sem utan af skoðunarmanni. Farið er yfir öll rými eignar, teknar myndir eða tekið upp myndband og þau atriði sem skoðunarmaður veitir eftirtekt eru mynduð, skráð og gerð frekari skil í skoðunarskýrslu sé hennar óskað.
• Ytra byrði eignar er myndað og skoðað frá götu eða lóð, þar sem aðgengi skoðunarmanns er tryggt.
Hægt er að óska eftir nánari skoðun sem greitt er fyrir skv. verðskrá. Sé óskað eftir nánari skoðun á þakklæðningu er metið, út frá öryggi, hvort farið sé upp á þak eignarinnar eða þakið skoðað úr lofti með dróna. Einnig er hægt að óska eftir skoðun á ástandi þakviða ef aðgengi er upp í þakrými og það öruggt yfirferðar.
• Markmið ástandsskoðunar er fyrst og fremst að fá yfirlit yfir þau atriði eða galla sem geta valdið auknum kostnaði fyrir eiganda fasteignar, eða kaupanda, sé fasteignin í söluferli. Ástandsskoðun felur ekki í sér tilfærslur á húsgögnum eða öðrum hlutum sem hindra eða takmarka skoðun að einhverju leyti.
  Skoðun getur takmarkast af utanaðkomandi aðstæðum s.s. veðri eða aðgengi.
• Raflagnir, neyslu- og miðstöðvarlagnir eru ekki skoðaðar sérstaklega, en ef við sjónskoðun verður vart við áberandi athugasemdir hvað varðar framangreint er það tekið fram í skýrslu.
• Skoðun/myndun fráveitulagna (skólp og drenlagna) er ekki innifalin í þjónustu, en vísað er á sérfræðinga sé þess óskað.
• Athugasemdum við skoðun fasteignar eru gerð skil í skýrslu (sé hennar óskað) í máli og myndum og tekur skýrslan mið af skráðum athugasemdum á aðgengilegum svæðum eignarinnar þegar skoðun er framkvæmd.
• Verklag getur verið breytilegt eftir forsendum skoðunar.
• Ástandsskoðun vegna kaupa á fasteign dregur úr líkum á kostnaði vegna galla.
• Oft er nægjanlegt að skoðunarmaður fari með væntanlegum kaupenda og skoði eignina, ræði þá um hvort ástæða sé til að gera skriflega skýrslu um hana eða hluta hennar.  Upplagt er, sem dæmi, ef gluggar eru orðnir lélegir er sjálfsagt að biðja skoðunarmann um skýrslu vegna þess og jafnframt kostnaðarmat við að skipta gluggunum út fyrir nýja.
• Hægt er að biðja sérstaklega um skoðun á þaki, rakamælingar, hitamyndatöku, sýnatökur eða skoðun á raflögnum og mikilvægt að slíkt komi fram í beiðni um skoðun.
• Öll gögn eru vistuð í skýi og aðgengileg hlutaðeigendum.

Áríðandi er að þegar tilboð er gert í fasteign, skal gera það með fyrirvara um ástandsskoðun.
Hægt er að nota ástandsskoðunina til að ná fram lækkun á söluverði eigna eða í samningum með því að láta kostnaðarmeta galla.